O xogador esquecido - Tour Abanca Balaídos Tickets | Official Sale

Ou iso pensabamos.

Este Samaín, Balaídos transforma­se para revivir a súa historia nunha experiencia única: “O xogador esquecido - Tour Especial Abanca Balaídos”. Acompaña ao noso guía —quizais máis misterioso do que parece— nun percorrido polos recunchos máis enigmáticos do estadio: o vestiario onde unha taquilla segue selada dende hai décadas, a sala de prensa onde os micrófonos cobran vida, ou o banco onde ningún xogador se atreve a sentar.

Unha visita diferente, chea de risas, sustos e algunha sorpresa, na que o estadio amosará o seu lado máis descoñecido. E lembra: se escoitas pasos entre as gradas… non mires atrás.

Que inclúe este produto?

• Visita guiada polo estadio Abanca Balaídos tematizado.

• Acceso ao Museo Celta.

• Experiencia inmersiva.

Información importante

• Duración aproximada da visita guiada: 60 minutos.
• Duración da visita libre ao museo: 30 minutos.

• Localización: acceso pola Área Celtista, entre as portas 14 e 15 da bancada Marcador.

• A experiencia pode verse modificada/cancelada por eventos, partidos ou adestramentos. Os días de partido, o tour remata 4 horas antes do inicio.

• Idiomas dispoñibles: galego e castelán. Dispoñible en inglés baixo petición. Non se garante que a sesión se desenvolva no idioma seleccionado.
• Para adquirir entradas de PMR, debe acudir as oficinas do estadio cun documento oficial ou enviarllo vía email a experiencias@celta.gal para xestionar a compra.

• Todos os descontos son persoais e intransferibles. Será necesario acreditar identidade e idade con DNI ou libro de familia.

• Non se permite o acceso con mascotas, agás animais de asistencia debidamente acreditados.

• Non se admiten cambios nin devolucións.

• Para calquera xestión relacionada co museo ou co tour, pode contactar connosco en experiencias@celta.gal